Inicio »
Servizos »
Novas »
XORNADA
Almorzo da rede de empresas Equal no Auditorio de Galicia
O próximo 20 de decembro ás 8:30 horas terá lugar no Auditorio de Galicia, en Santiago de Compostela, o almorzo da rede de empresas do proxecto Equal Compostela Social.
19/12/07 Estes almorzos empresariais, dos cales xa se levan celebrados outros tres, son o marco perfecto para que as persoas emprendedoras cuxas empresas xurdiron ao abeiro deste programa se reúnan periodicamente e poñan en común as súas inquedanzas, intereses e potencien as súas sinerxías como unha entidade con voz propia no tecido empresarial da comarca. A este encontro está previsto que asistan mais de 30 persoas.
A Rede de Cooperación Empresarial de Equal Compostela Social pretende dotar as empresas que a conforman da metodoloxía e da capacidade necesarias para levar a cabo o seu propio proxecto de cooperación con éxito, unha finalidade para a que resultan de grande utilidade este tipo de encontros.